Vatnane

Til Vatnane kjem du ved å halda fram forbi Fosseset, eller ved å gå frå Nese og om stølen Rosete. Ein særs fin dagstur er å gå frå Nese til Rosete, vidare til Vatnane og ned på Tenne.

Vatnane er ein fjellstøl som vart nytta midt på sommaren så lenge det var beite og nokolunde ver. Forbruket av ved til ostekoking var stort og all veden blei frakta opp med hest frå skogen som ikkje gjekk så høgt som i dag. Ost og mjølk vart teke i retur ned til heimegarden.

Vatnane har fleire stølshus som er dels modernisert. Eitt av dei tener som turisthytte og er opent for alle.

Namnet Vatnane kjem av "landet kring vatni". På veg til Vatnane frå Fosseset kryssar du utløpet av det største av Vatnavatni.

Tekst: Nils Kvamme