Bading

I Framfjorden er det badeplass rett ved butikken. Plassen er svært populær blant familiar med små barn fordi det er grunt heilt fram til marabakken som ligg om lag 50 m frå land. Det er god plass på plenen, og i ungdomshuset, der butikken er, er det open WC. Bading er best på flo sjø.

Badeplassen i Indrefjorden er rett ved vegen. Her er det gode bademoglegheiter for barn fordi det er sandstrand nesten utan steinar og nokonlunde grunt. For småbarn er det best her når det er utfjøre.

På Nese er det badeplass nede på kaia, der det er tilrettelagd med badebrygge i stein.